健康資訊 - 眼瞼下垂影響視力，誰是高危人士？

眼科資訊

眼瞼下垂影響視力，誰是高危人士？

眼瞼下垂影響視力，誰是高危人士？
眼瞼／眼皮下垂大致分為先天或後天，大部分先天性病例係由於出生後肌肉發育不良，而導致提拉眼瞼肌肉無力。

至於後天性眼瞼下垂就常見於中、老年人，由於提拉眼瞼肌肉長期使用而老化及鬆脫，未能將上眼瞼提高，造成上眼瞼無力及慢慢下垂，令到眼睛冇力張開，患者亦會望落好似冇乜精神。隨著病情惡化，下垂嘅眼瞼更可能會遮住眼睛最上方嘅視野，甚至遮住瞳孔，屆時患者會感到視力模糊。

此外，眼瞼下垂仲可能伴隨眼瞼內翻和睫毛倒插等症狀，患者可能有異物感、雙眼紅腫及流眼水等，對日常生活都好影響㗎！

眼瞼下垂最簡單嘅自我檢查方法，可以嘗試將眼瞼拉高，睇吓視野係咪比較清楚，如果視力有改善，有機會就係眼瞼下垂所造成視力嘅問題。如有需要就要盡早搵眼科醫生做檢查喇~

#老年眼瞼下垂 #眼瞼下垂 #上瞼下垂 #眼皮下垂改善 #上眼瞼下垂 #眼皮手術 #眼皮鬆弛 #眼皮下垂原因 #眼皮下垂 #眼皮下垂手術 #先天性眼瞼下垂 #後天性眼瞼下垂