健康資訊 - 經常捽眼好傷眼！眼睛痕癢怎麼辦？

眼科資訊

經常捽眼好傷眼！眼睛痕癢怎麼辦？

眼睛痕癢不適或有異物感時，好多人第一個反應就係「捽眼」。雖然搓完眼後會有紓緩嘅感覺，但呢個動作可能會引致眼睛問題，習慣捽眼嘅人要留意以下嘅風險喇！

造成眼角膜受損
眼角膜係身體最敏感部位之一，當接觸到眼睛嘅外物時，有機會擦傷角膜。
導致眼睛細菌感染
用唔乾淨嘅手捽眼，會將手中嘅細菌帶入眼睛，可能引致結膜炎。
加速眼周皮膚老化
經常亂捽眼會造成眼睛周邊皮膚鬆弛，加速眼皮老化及下垂。
造成錐形角膜
眼角膜有彈性，用力捽眼會令角膜變形，形成錐形角膜和增加散光度數。
增加視網膜脫落風險
搓壓眼睛嘅動作會令眼球受壓及放鬆，壓力嘅改變有機會令視網膜穿洞或脫落。

眼痕不適或有異物感點算？應該透過眨眼、遠望或轉動眼球等方法來紓緩，儘量唔好捽眼。如果不適感持續，建議聯絡眼科專科醫生並安排眼睛檢查！

#眼睛痕癢 #眼睛痕 #眼痕 #眼睛敏感 #眼敏感 #結膜炎 #錐形角膜 #視網膜脫落 #眼瞼下垂 #眼科醫生 #希瑪眼科