健康資訊 - 夏日常見眼睛問題🔥後生仔、長者都有機會中！夏日熱辣辣🎤除咗諗計消暑，大家都要記住預防呢啲「夏天眼疾」呀！

眼科資訊

夏日常見眼睛問題🔥後生仔、長者都有機會中！夏日熱辣辣🎤除咗諗計消暑，大家都要記住預防呢啲「夏天眼疾」呀！

夏日常見眼睛問題後生仔、長者都有機會中！
夏日熱辣辣除咗諗計消暑，大家都要記住預防呢啲「夏天眼疾」呀！

1.結膜炎
又稱紅眼症，傳播途徑主要係接觸感染同飛沫感染，傳染力極強特別容易喺公眾地方進行水上活動後發病。患者會出現眼睛滿佈紅筋、痕癢、刺痛等病徵。
預防建議：接觸完公共物品後，盡快洗手或消毒，同唔好捽眼。

2.乾眼症
夏天開大冷氣好舒服，但可能會引致空氣唔流通、環境乾燥等問題，令淚水喺眼睛表面過度揮發，形成乾眼症。
預防建議：每日飲夠8至10杯水；冷氣房放一杯水或加濕器，保持室內環境濕度。

3. 瞼腺炎
亦稱麥粒腫。夏天成日想食油膩或冰凍食物，加上天氣炎熱可能影響睡眠質素，容易引致皮脂腺阻塞。
預防建議：注意衞生，飲食均衡。

4. 翼狀胬肉
長時間做户外運動，眼睛可能吸收到過多紫外線增加引發翼狀胬肉嘅風險。翼狀胬肉係一種生長喺眼角膜上嘅組織，嚴重可能會影響視力。
預防建議：做足防曬措施！配戴防UV（阻隔99-100%紫外綫）嘅太陽眼鏡及帽。

如果發現有以上眼睛問題，應該及早揾眼科專科醫生進行詳細檢查避免情況惡化。

#紅眼症 #結膜炎症狀 #結膜炎 #急性結膜炎 #急性結膜炎傳染 #過敏性結膜炎 #眼乾 #乾眼症 #眼睛乾 #人工淚液 #瞼腺炎 #麥粒腫 #胬肉 #翼狀胬肉 #眼睛胬肉 #胬肉手術