健康資訊 - 深近視會唔會遺傳？😲

眼科資訊

深近視會唔會遺傳？😲

深近視會唔會遺傳？

根據《Optometry and Vision Science》嘅研究，近視有遺傳性。如果父母無近視，小朋友嘅近視比例係7.3%；但若果父母其中一個有近視，比例就會上升到26.2%；而父母都有近視，小朋友就有差唔多50%會患上近視啦

但會唔會變成600度以上嘅深近視，就多受後天影響。由於深近視嘅人嘅眼球比較長，眼球越長眼內組織就會拉得越薄，容易導致視網膜穿窿、脫落，甚至青光眼、黃斑病變等眼疾。即使做咗激光手術，都唔能夠解決呢個情況㗎

雖然深近視嘅人係眼疾高危一族，但只要多留意眼睛健康，定期做全面眼睛檢查，就可以儘早預防眼毛病。記得有任何眼睛疑問，都最好向眼科專科醫生了解一吓情況啊