健康資訊 - 【#護眼食物】4種營養素有助防眼疾！

眼科資訊

【#護眼食物】4種營養素有助防眼疾！

你每日有幾多時間對住電子螢幕
都市人生活忙碌，無論工作定生活都有好長時間望住電話和電腦。雙眼又累又乾點算好？除咗注意平日用眼習慣，仲可以食多啲護眼食物，咁就有助keep住雙眼健康及預防眼睛病變啦！

對眼睛健康有益嘅營養素包括︰
葉黃素
維持人類眼睛黃斑部健康嘅重要成分，攝取足夠可有效預防老年黃斑退化、視網膜病變和白內障，日常可以從南瓜、菠菜等攝取。
花青素
有好強嘅抗氧化作用，能有助維持眼睛健康。藍莓、葡萄、蔓越莓、黑枸杞等食物都有豐富花青素。
胡蘿蔔素
胡蘿蔔素中嘅β-胡蘿蔔素，可以喺人體轉換成維他命A，有效預防夜盲症和乾眼症，食多啲紅蘿蔔、菠菜、西蘭花、羽衣甘藍等有助吸收。
Omega-3
減低視網膜病變、幫助視神經發育及預防視力減退。鯖魚、秋刀魚、三文魚、核桃、奇亞籽等食物均含豐富Omega-3。

雙眼健康由日常良好習慣開始～即上我哋網頁了解更多護眼資訊啦！