健康資訊 - 人工晶體都有分顏色😮？

眼科資訊

人工晶體都有分顏色😮？

人工晶體都有分顏色？

人工晶體一般係透明嘅，但有公司設計咗淡黃色嘅人工晶體，模擬老化嘅晶體顏色，除咗有助濾走紫外線同藍光之外，仲希望年紀較大嘅白內障患者，可以更加容易適應術後嘅顏色差異

咁究竟做白內障手術，應該揀咩色嘅人工晶體好呢？由於手術係希望患者可以睇到接近現實嘅色彩，同時滿足佢哋生活同工作上嘅需要，所以一般會建議揀透明嘅人工晶體。不過，換咗透明人工晶體之後，有可能會因為睇嘢突然變光，出現畏光情況，而且睇見嘅顏色會偏藍、偏紫，需要時間適應啊

為咗術後可以有更好嘅視力，術前建議先同眼科專科醫生討論一吓視力嘅需求，去選擇適合您嘅人工晶體