健康資訊 - 眼藥水要唔要雪入雪櫃？🤔

眼科資訊

眼藥水要唔要雪入雪櫃？🤔

眼藥水要唔要雪入雪櫃？

好多人以為眼藥水雪入雪櫃可以用耐啲，或者可以更加舒緩到眼睛唔舒服嘅問題，但其實係謬誤嚟㗎！一般眼藥水只需要放喺陰涼地方，除非特別標明「需冷藏保存」，否則唔需要放入雪櫃㗎

有幾項眼藥水小知識話你知：
1. 眼藥水防腐劑唔多，無論放喺邊，都建議開封後三十日內用完，唔係就有機會滋生細菌啦

2. 冷藏嘅溫度可能會影響藥物溶解度，出現沈澱，影響藥效。而且，喺雪櫃拎眼藥水出嚟嘅時候，溫度變化容易會形成濕氣，令藥水變質

3. 藥品分析顯示，冰涼嘅眼藥水會刺激眼睛，容易引起不適，傷害結膜，所以製藥公司將一般眼藥水設計成開蓋後都可以儲存喺室温，唔需要放入雪櫃啊