健康資訊 - 日日戴/除CON拉扯眼皮可能引致眼瞼下垂大細眼！

眼科資訊

日日戴/除CON拉扯眼皮可能引致眼瞼下垂大細眼！

好多人戴CON都係為咗方便同靚靚但如果手勢唔正確，就有機會造成眼瞼下垂，影響視力同外貌，得不償失！點解會出現眼瞼下垂呢？

戴/除CON時，我哋習慣拉開上下眼皮。長期重覆拉扯動作及用力過度，都可能會拉鬆眼瞼肌肉。另外，鏡片嘅邊緣會摩擦眼瞼內層組織，容易令眼瞼筋腱鬆弛。當發現自己上眼皮撐唔起，經常睇落未瞓醒，或出現大細眼，就可能係有眼瞼下垂問題。

預防眼瞼下垂小建議：
1. 戴/除CON盡量只拉下眼瞼
2. 轉用較薄及軟身的鏡片
3. 避免長時間配戴
4. 每星期設定停CON休息日

眼瞼下垂除咗造成外觀問題，長遠仲會令視野收窄，視力受損！如有懷疑，就及早搵眼科專科醫生進行詳細檢查啦！