健康資訊 - 捽眼會致錐形角膜❓

眼科資訊

捽眼會致錐形角膜❓

捽眼會致錐形角膜❓.png

捽眼會致錐形角膜

當眼睛痕癢時，自然就會想捽眼，捽完後感覺可能舒適咗，但係呢個動作有機會令角膜變形，形成「錐形角膜」，影響視力。

經常捽眼會對眼角膜施加壓力，引致角膜變形，使光綫喺眼內聚焦不良。當錐形角膜病情惡化，會導致近視和散光度數加深，嚴重者眼睛可能失去聚焦功能，並造成視障。

其實，一般人大約到18歲後，近視或散光度數就會穩定，若果喺呢個年齡後，近視和散光度數短時間內大幅加深，而喺配新眼鏡後，即使眼鏡度數正確，視力仍然模糊，即有機會係錐形角膜所致。如果出現以上情況，應該及早聯絡眼科醫生進行檢查和治療。