【小孩不笨，只視不「正」】

抄寫成日寫漏字、睇書好易跳行、做功課總係慢半拍，溫習未夠一陣就話眼攰……📚✏ 當呢啲情況一再出現，家長難免會心諗：「你個心飛咗去邊？」「係咪學野跟唔上進度？」🤔

但小朋友未必係唔用心，更加唔係唔夠叻；有時只係雙眼傳到大腦嘅畫面「對唔正」🧠，搞到睇書、抄寫同判斷距離都要用多啲力。表面睇好似學得慢，其實可能係睇得辛苦，而背後亦可能同斜視或弱視有關。

雙眼本來係一對最佳拍檔🤝，會一齊望向同一個目標；斜視就好似其中一隻眼「行錯方向」，向內、向外、向上或者向下偏斜。👀 當兩隻眼傳嚟嘅影像對唔上，大腦為咗避免混亂，可能會選擇「信一邊」，逐漸忽略偏斜眼傳嚟嘅影像。如果正值視覺發育階段，偏斜眼長期得唔到足夠刺激，就有機會形成弱視。

💡簡單嚟講，斜視係雙眼「望唔齊」，弱視就係視力發育未如理想。兩者雖然唔係同一回事，但可能互相有關；加上視力較好嗰隻眼會一直「代勞」，小朋友自己亦未必察覺。🙈

⏳斜弱視愈早發現，愈有利把握視覺發育階段。醫生會按照成因、程度同小朋友嘅實際情況，制定合適嘅治療方案：

👓 光學矯正

經過驗眼後配戴合適度數嘅眼鏡，矯正近視、遠視或散光等屈光問題。

🩹 遮蓋治療

按照醫生指示，暫時遮住視力較好嗰隻眼，鼓勵小朋友多啲使用弱視眼，刺激視力發展。

🎯 視覺功能訓練

部分個案經專業評估後，可以透過針對性練習，訓練眼球控制同雙眼協調。

🏥 斜視矯正手術

部分斜視個案可能需要調整眼外肌，改善眼位；如果同時有弱視，仍可能需要配合其他治療。

當小朋友總係跟唔上，與其不停叫佢「專心啲」，不如先了解佢係咪睇得比其他人更辛苦。🔍 及早安排全面眼科檢查，了解雙眼真正嘅需要，有助把握視覺發育時機。小孩不笨，只係視線可能未「正」。及早發現，幫雙眼重新學識好好合作。👁✨

#兒童視力 #弱視 #斜視 #護眼檢查 #眼科檢查 #希瑪眼科 #護眼知識 #眼底檢查 #希瑪眼科 #眼科中心 #眼科診所 #希瑪眼科診所 #希瑪醫療

----------------------------------------------

‍🙆‍♀️ 立即預約全面眼睛健康檢查 / ‍預約免費矯視講座 / 查詢更多資訊：

📞 電話：(852) 3956 2026 或 (852) 3956 2025

📱 WhatsApp: https://bit.ly/Whatsapp93451508

🏨 診所地區：中環、旺角、銅鑼灣、觀塘、沙田、元朗、荃灣、將軍澳

🌍 網頁：https://hkcmereye.com

資料來源:原文鏈接

瀏覽次數: 8 更新時間：2026-10-09