健康資訊 - 重力訓練會造成眼壓過高？注意４個動作可致眼壓飆升‼️

眼科資訊

重力訓練會造成眼壓過高？注意４個動作可致眼壓飆升‼️

重力訓練會造成眼壓過高？注意４個動作可致眼壓飆升

進行重力訓練時，唔適當地停止呼吸閉氣嘅動作，會令全身處於繃緊嘅狀態，有機會造成身體血壓瞬間飆升，眼球內嘅壓力亦會迅速增加，並可能導致視神經、黃斑部及視網膜嘅血管爆破，發生眼底出血。

眼底出血有機會即時影響視力，亦可能對視力帶來永久性傷害。眼壓上升初時，視神經受到壓迫，隨著視神經逐步萎縮，患者先經歷周邊視野收窄，然後視力逐漸減退，到最後視神經全部萎縮，就會嚴重影響視力。

對眼睛造成比較大壓力嘅常見動作︰
重力訓練（如︰舉重）
用力唱歌
大力打噴嚏 / 咳嗽
排便時過度用力

所以，日常生活或運動時，要注意有冇過度閉氣嘅情況，以免影響眼壓及傷害眼睛。如果發現視力突然變差，就要盡快求醫檢查清楚啦！

#眼壓高 #高眼壓 #眼底出血 #眼底出血成因 #眼底出血治療 #視力衰退 #視力模糊 #視神經萎縮