健康資訊 - 眼周濕疹痕癢難耐，患者更要慎防5大眼疾❗️

眼科資訊

眼周濕疹痕癢難耐，患者更要慎防5大眼疾❗️

眼周濕疹痕癢難耐，患者更要慎防5大眼疾

每逢轉季，濕疹患者病情反覆，要紓緩皮膚痕癢不適之餘，仲要留意濕疹有機會影響眼睛健康啊！以下係濕疹人士較容易患上嘅眼疾︰

眼皮炎
眼睛附近嘅皮膚有濕疹，可能導致眼腫和瞼緣發炎，即係「眼皮炎」。患者會有眼紅、流眼水、乾澀等徵狀，嚴重者會出現眼瘡。

眼敏感
濕疹患者雙眼四周容易出現紅疹，並伴隨眼腫、眼乾、痕癢等，形成眼敏感﹙結膜發炎﹚。

錐形角膜
臉部有濕疹嘅患者可能經常感到眼乾及痕癢，所以會經常捽眼，甚至用手掌拍打自己嘅眼睛。長期用力捽眼，壓迫角膜，可令角膜變形，造成錐形角膜。

白內障
有患者會搽類固醇藥膏紓緩濕疹症狀，當眼周吸收咗類固醇後，會影響眼睛新陳代謝，有機會使白內障提早出現。

視網膜脫落
臉部嚴重濕疹患者經常搓眼睛，太大力搓眼睛，會傷及表層嘅角膜和結膜，亦可令視網膜出現裂孔，造成視網膜脫落。

建議濕診患者定期接受眼睛檢查，一旦發現有視力問題，特別是視力模糊、閃光、飛蚊等，應盡快向眼科專科醫生求醫，及早治療。

#眼皮濕疹 #眼皮濕疹原因 #眼睛周圍濕疹 #眼皮濕疹治療 #濕疹眼腫 #上眼皮癢 #眼皮腫痕 #上眼皮發炎 #眼皮炎 #眼皮炎症狀 #眼敏感成因 #眼皮膚敏感