健康資訊 - 「飛蚊」突然增多，是視網膜脫落先兆？

眼科資訊

「飛蚊」突然增多，是視網膜脫落先兆？

良性嘅飛蚊症，患者睇嘢時會見到唔同形狀嘅黑點飄嚟飄去，但只要將注意力轉移或合眼稍作休息，就可以減少飛蚊症嘅滋擾，若對視力影響不大，即毋須治療。

若眼前飛蚊突然增多，並伴隨其他症狀，就好可能係嚴重眼疾「視網膜脫落」嘅先兆。

喺視網膜脫落前，患者多數會睇到飛蚊增多，有大量黑影喺眼內飄浮；閃光頻繁；更會出現視野缺失、視力慢慢變得模糊等症狀。如不及時處理，視力可能永久受損。

高危人士包括︰
深近視（600度或以上）
40歲或以上
眼睛曾受創傷
有視網膜脫落嘅家族病史
曾有一隻眼出現視網膜脫落，另一隻眼亦較容易發病

一旦突然間出現大量「飛蚊」，建議盡快聯絡眼科專科醫生，進行詳細嘅眼科檢查。

#飛蚊症治療 #飛蚊症 #治療飛蚊症 #飛蚊症原因 #飛蚊症成因 #飛蚊症初期 #飛蚊症檢查 #飛蚊症手術 #飛蚊閃光