健康資訊 - 白內障自我檢測！7個常見症狀，你符合幾項？

眼科資訊

白內障自我檢測！7個常見症狀，你符合幾項？

以往白內障平均發病年齡係大約65歲，主要係隨著年齡增長眼內晶體退化而引起，所以亦稱之為「老年性白內障」。

近年白內障有年輕化趨勢，40至50歲嘅患者不斷增加。有分析認為︰人們長期注視電子螢幕，有機會加速眼睛老化，令白內障喺較年輕嘅一群發生。深度近視（600度）、有吸煙習慣、雙眼長期曝露喺紫外線、患有糖尿病、長期使用類固醇等，都有機會令白內障提早報到。

白內障有咩症狀一齊做吓自我檢測，睇下自己有冇白內障先兆啦︰
•視力模糊、減退
•出現雙重影像
•夜間視力下降
•事物顏色變得暗淡
•閱讀時，發生眩光
•雙眼怕光，易流淚
•經常更換眼鏡或隱形眼鏡度數可能係白內障先兆

溫馨提示：診斷白內障，應該由眼科專科醫生進行詳細檢查後，先可以準確判斷㗎。若喺「白內障自我檢測」中符合其中一項/多項症狀，就要特別留意視力嘅變化，有需要時要盡早檢查以便接受治療。

#白內障眼科 #白內障手術 #白內障 #白內障治療 #香港白內障 #白內障症狀 #白內障原因 #老年性白內障 #白內障先兆 #白內障檢查 #白內障初期 #白內障診斷