健康資訊 - 「眼紅紅」可能唔簡單！係眼敏感、紅眼症定乾眼症❓

眼科資訊

「眼紅紅」可能唔簡單！係眼敏感、紅眼症定乾眼症❓

「眼紅紅」可能唔簡單！
係眼敏感、紅眼症定乾眼症

眼睛紅腫、痕癢、流眼水，以為只係眼睛敏感，其實有可能係紅眼症或乾眼症！

眼敏感

稱為「過敏性結膜炎」，眼睛受到致敏原刺激所致，例如︰動物毛髮、花粉、塵蟎等。

常見症狀︰眼睛紅腫、充血、痕癢，眼敏感不具傳染性，患者只要減少接觸致敏源，敏感情況會改善。

紅眼症

學名為「傳染性急性結膜炎」，由細菌或病毒感染所引致，傳染性極高，主要透過接觸患者眼睛、分泌物、受污染嘅物品感染。

患者會出現眼紅、腫、痛，伴隨流眼水、有異物感，眼睛會流出黏稠嘅白色或黃色分泌物，嚴重嘅更會出現結膜出血、角膜受損。

乾眼症

若淚膜中嘅脂質層、水液層或黏液層出現問題，以致淚水質量有變或分泌量不足，都可能造成「乾眼症」。

患者眼睛會變紅、乾澀、痕癢、畏光等。乾眼症嘅症狀與眼睛疲倦而引起嘅眼乾十分相似，不過普通眼乾只要雙眼得到足夠休息，症狀便會有所紓緩；而乾眼症就需要由眼科醫生檢查及制定治療方案。

除咗以上嘅病症外，眼紅仲可能係其他眼疾嘅先兆。如果眼睛紅腫持續幾日都冇改善，應該儘快求醫，並做詳細檢查以查明病因。

#眼敏感 #眼睛敏感 #眼睛過敏 #眼痛 #眼腫 #紅眼症 #乾眼症 #結膜炎症狀 #結膜炎 #急性結膜炎 #過敏性結膜炎 #紅眼症初期 #眼乾 #眼睛乾 #乾眼症治療 #人工淚液