健康資訊 - 白內障要等到「熟」先可以做手術？

眼科資訊

白內障要等到「熟」先可以做手術？

白內障係由於晶狀體變得混濁所致，患者會出現視力模糊，睇嘢有眩光和重影，眼前事物嘅顏色變得暗淡、變形等

所謂「熟」嘅白內障係指晶狀體完全呈現白色，患者係呢個時候視力已經大減，基本上睇唔清楚眼前事物。

由於以前治療白內障嘅技術未發展成熟，要平衝手術風險和患者嘅視力情況，先會有等到白內障熟先治療呢個建議。不過，現今嘅技術已經十分先進。患者一旦出現以上提及嘅症狀，就應該盡快求醫並接受治療。

白內障過熟先治療有咩影響？
1. 增加併發症﹙青光眼、虹膜炎﹚風險，嚴重會失去視力
2. 可能無法接受微創手術，只可選擇傳統切口較大嘅手術方式
3. 拖得太耐，就算做咗手術，視力恐怕無法完全復原

如果證實患有白內障，記得定期檢查以監察病情發展，仲要及早和醫生商量治療方案啊~

#白內障眼科 #白內障手術 #白內障 #白內障治療 #香港白內障 #眼睛白內障 #白內障人工晶體 #白內障成因 #白內障手術收費 #白內障先兆 #人工晶體