健康資訊 - 你認識黃斑病變嗎？造成港人視障的第2大眼疾❗

眼科資訊

你認識黃斑病變嗎？造成港人視障的第2大眼疾❗

你認識黃斑病變嗎？造成港人視障的第2大眼疾

白內障、青光眼大家都比較熟悉，但你有冇聽過老年黃斑病變呢據政府統計，香港大概有50萬人患有老年黃斑病變，係造成港人視力障礙嘅第2大眼疾（僅次於白內障），但只有約5成受訪長者聽過呢個病。今日一齊了解吓老年黃斑病變嘅成因同症狀啦~

黃斑點位於視網膜上中央位置，有豐富嘅視覺細胞，幫助我哋分辨顏色、物件大小同進行精細閱讀。當年齡增長，黃斑點可能會出現退化同萎縮情況，造成老年黃斑病變。

病變分為乾性同濕性，兩者都會影響視力。濕性病變惡化更為迅速，有機會喺幾日內令視力急速下降。

老年黃斑病變患者會出現以下病徵：
1. 閱讀時覺得字體模糊
2. 見到物件呈彎曲及變形
3. 影像中央出現黑暗地區或白影
4. 出現色覺異常

視力係無價之寶老友記記住好好保護雙眼，如果發現自己有以上病徵，就及早搵眼科專科醫生進行詳細檢查啦！

#黃斑病變 #黃斑病 #黃斑病變治療 #老年黃斑病變 #糖尿病視網膜病變 #黃斑點病變 #糖尿上眼 #黃斑病變手術 #黃斑病治療
#黃斑眼 #黃斑病變測試 #黃斑眼 #黃斑病變測試