健康資訊 - 嬲先至會眼火爆？眼紅紅嘅真正原因！

眼科資訊

嬲先至會眼火爆？眼紅紅嘅真正原因！

「見到都眼火爆！」俾人激親嗰陣我哋成日會咁講但當然呢個只係形容詞！眼紅紅其實另有原因，唔可以忽略㗎！

1.眼充血
可能係因為捽眼太大力、高血壓、嚴重咳嗽等而引致微絲血管爆裂。

2.結膜炎
分為病毒性、細菌性或過敏性結膜炎。患者會出現眼睛滿佈紅筋、痕癢、刺痛等病徵，係常見眼紅嘅原因。

3.乾眼症
淚液分泌不足或淚液過度蒸發都會形成乾眼症，令眼表面潤滑不足及乾燥，出現眼紅。

4.鞏膜炎
鞏膜係眼球外層組織，亦係保護眼睛嘅重要一層。鞏膜炎嘅成因可能係壓力、免疫系統疾病、感染或創傷引起。

5.角膜炎
通常係感染細菌、病毒等病原體引起，如隱形眼鏡清潔不足、眼睛接觸到污水等，都會造成角膜炎，對視力影響甚大。

眼紅紅仲係好多眼疾嘅主要病徵，所以大家千祈唔好輕視呀！即上我哋網頁了解更多眼疾嘅成因、症狀同治療啦！

#眼充血 #結膜炎 #急性結膜炎 #紅眼症 #結膜炎症狀 #乾眼症 #鞏膜炎 #角膜炎 #眼角膜受損 #角膜發炎 #表層鞏膜炎 #鞏膜發炎