健康資訊 - 長期吹冷氣，小心「乾眼症」突襲！

眼科資訊

長期吹冷氣，小心「乾眼症」突襲！

夏天天氣熱，好多室內地方都開大冷氣，吹得多除咗身體新陳代謝變差，仲有機會傷到眼？！特別要注意嘅係辦公室一族，大部分時間留喺室內冷氣地方，眼都唔眨望實個mon，分分鐘被抽乾雙眼水份！

#希瑪眼科提提你，以下方法可以預防乾眼症︰
1. 保持室內濕度，喺枱面擺一杯水。
2. 眼睛要有適當休息，望電子螢幕20分鐘，遠望或合眼休息20秒。
3. 熱敷雙眼，可減輕疲勞並增加淚液分泌。
4. 多食含有Omega-3或維他命A、C、E食物。
5. 要有充足嘅睡眠比雙眼休息。

如果雙眼容易疲倦，仲有伴隨眼睛乾澀、痕癢、有異物感等，就要盡快搵眼科醫生睇睇啦！

#乾眼病 #眼睛乾 #乾眼症 #人工淚液 #乾眼症治療 #眼藥水推薦 #眼乾原因 #眼乾