健康資訊 - 2大眼疾初期冇明顯症狀！遲發現可能奪走視力😯

眼科資訊

2大眼疾初期冇明顯症狀！遲發現可能奪走視力😯

2大眼疾初期冇明顯症狀！
遲發現可能奪走視力

「有病就醫」係我哋嘅習慣。但原來呢2個眼疾發病初期係冇明顯病徵，當病情嚴重先發現，已經大大影響治療效果。究竟呢2個係咩病？點先可以預防呢？

1.慢性青光眼
青光眼係一種視神經病變。視神經負責將眼睛睇到嘅景物傳送到大腦視覺中樞。青光眼患者會先經歷周邊視野損害，然後出現中央視力下降，嚴重更會失明。

青光眼被喻為視力殺手因為當患者發現症狀時，視神經已經受損。

預防：眼壓檢查
眼壓高係造成青光眼嘅主因。接受眼睛眼壓檢查，眼科專科醫生可以評估出應診者眼壓係咪屬正常水平，而判斷其患上青光眼嘅風險。

2. 糖尿病性視網膜病變（糖尿眼）
大概四成糖尿病患者有糖尿眼。糖尿眼初期冇明顯病徵，但如果血糖控制得唔好，血管內皮細胞就會受到永久破壞，引起一連串嘅眼底病變。

預防：眼底檢查控制血糖
眼底檢查：眼科專科醫生會為應診者放瞳同眼底攝影，評估糖尿眼嘅程度。

控制血糖：糖尿病患者必須嚴格控制血糖、血壓同血脂肪，先可以將患上糖尿眼嘅風險減低。

定期進行眼睛健康檢查，及早發現及早治療！

#青光眼 #青光眼治療 #青光眼症狀 #青光眼檢查 #眼壓高原因 #眼壓高 #青光眼成因 #糖尿眼 #視網膜病變 #糖尿上眼 #眼底出血 #糖尿病視網膜病變