健康資訊 - 睇污糟嘢多會生眼挑針？其實係眼瞼發炎引致嘅眼瘡

眼科資訊

睇污糟嘢多會生眼挑針？其實係眼瞼發炎引致嘅眼瘡

眼挑針唔只令人痕癢難耐，仲好影響外觀。眼挑針俗稱眼瘡，醫學上稱為「眼瞼炎」。人嘅眼瞼喺眼球邊緣，當眼瞼嘅瞼板腺出口油脂過分旺盛或發炎、受病菌感染、或被殘留嘅化妝品堵塞，都有可能引致發炎而形成眼挑針。

生眼挑針同日常生活習慣息息相關，任何人都有機會感染，特別容易喺油脂分泌旺盛或轉季容易出現眼瘡。經常揉擦雙眼，或者卸妝卸得唔乾淨，食物過敏，作息唔正常令眼睛過度疲勞等都會增加生眼挑針機會！

由於眼挑針係油脂腺堵塞所致，所以可以用熱敷疏通紓緩症狀，大約每日5至6次，每次要5至10分鐘。預防勝於治療，最緊要都係平日保持眼睛清潔啊！