健康資訊 - 天氣乾燥易眼乾眼紅，冬天如何預防乾眼症？

眼科資訊

天氣乾燥易眼乾眼紅，冬天如何預防乾眼症？

冬天天氣乾燥，唔只皮膚乾到痕癢繃緊，雙眼仲容易又乾又澀。環境乾燥，加上長時間碌手機、睇電腦，雙眼眨眼次數減少，呢啲都會增加患上乾眼症嘅機會。

乾眼症常見症狀包括︰眼乾、紅、癢、痛，雙眼容易疲倦，眼睛分泌物增多，嚴重者更會角膜破皮、視力模糊等。唔想不適症狀影響日常生活和工作，有咩辦法紓緩季節性眼乾問題？ #希瑪眼科建議大家可以試試以下方法︰

早晚使用熱毛巾、熱敷袋或熱敷眼罩熱敷雙眼15分鐘，以保持眼晴濕潤，不過要留意溫度應維持喺40°C，避免眼睛灼傷。
睇文件或電子螢幕20分鐘，建議要閉上雙眼休息一下，或者眨眼幾下，讓淚液更平均分佈在眼球上，維持淚膜正常狀態。
長時間坐辦公室人士可以考慮喺枱面放加濕器，增加環境濕度，咁樣皮膚和雙眼都無咁乾喇！

如果眼乾問題持續，就應該盡快聯絡眼科專科醫生搵出乾眼原因，對症下藥治療~