健康資訊 - 造成長者視障的4大常見眼疾！

眼科資訊

造成長者視障的4大常見眼疾！

隨著年齡增長，眼睛會老化，更容易出現視力模糊、流眼水、眼乾等。不過要留意呢啲可能係長者常見嘅眼疾先兆。

眼疾問題有機會嚴重損害視力，一齊了解吓香港長者常見嘅眼疾︰
白內障
年齡增長，晶狀體老化和變得混濁係長者常見患上白內障成因。患者視覺逐漸模糊，如果視力減退到影響日常生活，就可能需要更換人工晶體以恢復視力。
青光眼
若急性青光眼突襲，患者可能會眼睛脹痛、頭痛、視力模糊等，出現以上情況就要立即求醫。但係慢性青光眼初期毫無症狀，多數透過眼睛檢查先會發現。
糖尿眼
患有糖尿病嘅長者可能會出現糖尿病視網膜病變，即「糖尿上眼」。患病早期未必影響視力，但如果太遲發現，有機會發展成黃斑點水腫，嚴重會造成視障。
老年黃斑病變
眼睛視網膜中心嘅黃斑點出現病變，會導致視力衰退、影像變形。患者睇嘢會變暗，睇直線時變得彎曲、中央視野有黑影、出現視野缺損。

預防長者常見眼疾，記得定期安排眼睛檢查，及早發現先可以及早治療~

#眼疾 #長者常見眼疾 #長者眼科檢查 #白內障 #青光眼 #糖尿眼 #黃斑病變 #老年黃斑病變 #老人眼睛疾病 #眼疾種類 #眼疾病徵 #眼疾症狀