健康資訊 - 【過年喇】預防糖尿上眼，避免高糖飲食！

眼科資訊

【過年喇】預防糖尿上眼，避免高糖飲食！

就嚟新年啦！賀年食品例如年糕及馬蹄糕，好味又飽肚，不過要留意，呢啲食品嘅澱粉質含量和糖份較高。所以，建議糖尿病患者少食，以免吸收太多糖份影響身體血糖。

無論係一型或二型嘅糖尿病患者，如果長期血糖偏高會損傷血管內皮細胞，引致糖尿上眼，即係「糖尿病視網膜病變」。糖尿病視網膜病變初期通常冇明顯徵兆，但若血糖冇控制好，血管內皮細胞就會受到永久破壞，引起一連串眼底病變，如：微血管瘤、糖尿黃斑水腫、視網膜新生血管，甚至視網膜脫落或青光眼，嚴重者更會永久損失視力。

糖尿病患者要注意飲食，控制好血糖！仲要定期進行眼睛檢查，預防糖尿上眼，以免影響視功能啊~

#糖尿病 #糖尿上眼 #糖尿上眼徵狀 #糖尿上眼治療 #糖尿眼 #糖尿眼治療 #糖尿上眼原因 #糖尿黃斑水腫 #視網膜脫落 #糖尿病視網膜病變