健康資訊 - 【季節性過敏性結膜炎】春天特別容易眼紅紅？

眼科資訊

【季節性過敏性結膜炎】春天特別容易眼紅紅？

春天天氣潮濕，塵蟎及黴菌容易滋生，加上花粉大量傳播，身體較容易出現過敏反應！除咗皮膚和呼吸道較易敏感，轉季時，受環境影響，眼睛都有較高機會患「季節性過敏性結膜炎」㗎！

季節性過敏性結膜炎患者會出現眼紅、眼癢、眼睛刺痛、眼皮腫、流眼淚等症狀，有時甚至會感到視力模糊，亦有可能伴隨流鼻水、打乞嗤嘅過敏反應。

本身有氣喘、過敏性鼻炎等人，會較容易患上季節性過敏性結膜炎。所以，建議過敏體質人士盡量避免接觸到致敏源，並保持室內環境整潔，減少塵蟎及黴菌滋生，以減輕症狀或減少發作。症狀持續嘅話，建議搵眼科醫生檢查，搵出引致結膜炎成因，對症下藥治療~

#結膜炎 #結膜炎原因 #結膜炎治療 #季節性結膜炎 #過敏性結膜炎 #過敏性結膜炎原因 #過敏性結膜炎治療