健康資訊 - 眼睛也會中風？中老年人屬高危！

眼科資訊

眼睛也會中風？中老年人屬高危！

眼睛中嘅視網膜需要不斷供血，以滿足細胞對營養及氧分嘅需求，同時運走視網膜新陳代謝過程中產生嘅廢物。如果視網膜系統中血管被血塊堵住，就會造成視網膜血管閉塞，即係俗稱嘅「眼中風」。

視網膜血管閉塞無及時處理，1至2小時嘅缺氧環境足以令細胞壞死，到時恐怕難以挽回視力損失。眼中風最常出現喺中年和老年人身上。多數眼中風人士為中老年人，而以下人士亦屬高危︰
有三高︰高血壓、高血脂、高膽固醇
糖尿病人士
有吸煙習慣
超重
心臟問題（不規律節律或瓣膜問題）
頸部頸動脈阻塞或變窄

預防眼中風需要先控制好三高，養成良好飲食習慣，以及定期安排眼睛檢查，有需要時可以及早發現問題，及早治療。