健康資訊 - 眼藥水開封後28日就過期？滴眼藥水技巧你要知❗️

眼科資訊

眼藥水開封後28日就過期？滴眼藥水技巧你要知❗️

眼藥水開封後28日就過期？滴眼藥水技巧你要知❗️.png

眼藥水開封後28日就過期？滴眼藥水技巧你要知

滴眼藥水可以紓緩眼睛不適，但唔好忘記眼藥水係藥，滴得太多或使用方法唔正確可能對眼睛造成傷害。一齊嚟睇吓滴眼藥水有咩要注意︰

有防腐劑嘅眼藥水，太常滴有機會損害眼球，建議跟醫生吩咐或說明使用。
戴隱形眼鏡時，勿使用含防腐劑及含懸浮液劑型嘅眼藥水。因防腐劑成分可能會吸附喺隱形眼鏡上，破壞角膜上皮細胞。
一般眼藥水開咗超過28天就唔建議再用，以避免細菌進入而影響治療效果。
除非特別標示冷藏，一般室溫保存即可。
使用前要洗乾淨雙手，滴眼藥水時，藥樽口唔可以接觸眼睫毛、眼球和手指，亦唔需要用任何嘢擦拭瓶口，避免污染藥水。
眼藥水唔可以滴喺眼球，以免整傷角膜。正確點眼藥水方式，頭先後仰，用食指輕將下眼瞼往下拉，眼睛向上看，再將眼藥水滴入眼白與下眼瞼間；滴藥後輕閉眼1至2分鐘，輕輕轉動眼球，用手指輕壓鼻樑處避免藥水漏至鼻淚管以，減少有苦味。

滴眼藥水要按照使用說明或遵照醫生指示，如果不適症狀持續3日都未有改善，應該搵眼科醫生檢查眼睛！