健康資訊 - 植眼睫毛要注意清潔👩以防眼皮受細菌感染！

眼科資訊

植眼睫毛要注意清潔👩以防眼皮受細菌感染！

植眼睫毛又靚又方便，係唔少女士嘅「大眼法寶」。但如果唔妥善護理同清潔，有可能會刺激眼部皮膚或組織，問題可大可小㗎！

1. 黐合劑或膠水刺激眼皮
植睫毛嘅過程中，可能會用到具揮發性嘅黐合劑或膠水，有機會刺激眼睛同皮膚。如眼睛本身已有發炎問題，後果可能會更加嚴重。

2. 清潔不慎可能滋生細菌
女士們可能會怕甩眼睫毛而避開清潔眼部皮膚，結果令污染物積聚同滋生細菌，仲可能令眼皮或其他眼部組織發炎影響視力。

所以，植眼睫毛後最好注意眼瞼清潔，一旦發現自己因植眼睫毛而出現眼部不適，建議立即搵眼科專科醫生進行詳細檢查！